Advertisements
گزشتہ دنوں جمہوریہ ازبکستان کے نائب وزیر دفاع اور فضائیہ کے کمانڈر میجر جنرل برخانوف اخمد جمالووچ، نے چیئرمین جوائنٹ چیفس آف سٹاف کمیٹی جنرل ساحر شمشاد مرزا سے جوائنٹ سٹاف ہیڈ کوارٹرز راولپنڈی میں ملاقات کی۔
ملاقات کے دوران دونوں فریقین نے دوطرفہ سٹریٹجک دلچسپی کے امور پر تبادلہ خیال کیا، خاص طور پر علاقائی سلامتی کی صورتحال پر توجہ مرکوز کی گئی اوردوطرفہ فوجی تعاون کو مضبوط بنانے میں گہری دلچسپی کا اظہار کیا۔
معزز مہمان نے پاکستان کی مسلح افواج کی پیشہ ورانہ مہارت کو سراہا اور دہشت گردی کے خلاف جنگ میں ان کی قربانیوں کا اعتراف کیا۔
قبل ازیں جوائنٹ سٹاف ہیڈ کوارٹرز پہنچنے پر سہ فریقی دستے کے چاق چوبند دستے نے معزز مہمان کو گارڈ آف آنر پیش کیا۔
تبصرے