گزشتہ دنوں چیف آف آرمی سٹاف جنرل سید عاصم منیر نے جنوبی وزیرستان کے علاقے وانا کا دورہ کیا۔ دورے کے دوران، آرمی چیف کو موجودہ سکیورٹی منظرنامے اور انسداد دہشت گردی کی جاری کارروائیوں کے بارے میں ایک جامع بریفنگ دی گئی۔
افسران اور فوجی دستوں کے ساتھ بات چیت کے دوران آرمی چیف نے دہشت گردی کے مقابلے میں ان کی غیر متزلزل ثابت قدمی کو سراہتے ہوئے کہا کہ قوم کو ان کی قربانیوں پر فخر ہے۔ انہوں نے زور دے کر کہا کہ شہدا پاکستان کا فخر ہیں اور ان کی قربانیوں کو کبھی فراموش نہیں کیا جائے گا۔ پاک فوج قوم کی پرعزم حمایت اور قانون نافذ کرنے والے اداروں کے ساتھ مل کر ملک بھر میں پائیدار امن و استحکام کی بحالی کو یقینی بناتے ہوئے، دہشت گردی اور انتہا پسندی کی تمام شکلوں کو ختم کرنے میں ثابت قدم رہے گی۔
آرمی چیف نے مسلح افواج کے جوانوں کو قوم کے حقیقی ہیرو قرار دیااور فتنہ الخوارج کے تعاقب کے لیے پاک فوج کے عزم کا اعادہ کیا۔ انہوں نے کہا کہ ریاست کے خلاف ان کی مذموم سرگرمیوں میں سہولت کاروںاور مالی معاونت کر نے والوں کو انجام تک پہنچایاجائے گا ۔ قبل ازیں وانا پہنچنے پر کمانڈر پشاور کور نے آرمی چیف کا استقبال کیا۔
تبصرے