دفاع پاکستان کے شہداء کو خراج عقیدت پیش کرنے کے لیے  پشاور میں یوم دفاع و شہداء کے موقع پر یادگار شہداء پر خصوصی تقریب کا انعقاد کیا گیا۔ کمانڈر پشاور کورلیفٹیننٹ جنرل عمر احمد بخاری نے یادگار شہداء پر پھولوں کی چادر چڑھائی ۔ شہداء کے بلند درجات کے لیے فاتحہ خوانی بھی کی گئی ۔تقریب میں  بڑی تعداد میں عسکری و سول حکام نے شرکت کی۔

دریں اثناء پشاور میں یوم دفاع و شہداء کی مناسبت سے پاک فوج کی جانب سے عسکری آلات اور ہتھیاروں کی نمائش اور عوام  کے لیے آرمی اوی ایشن کی جانب سے ائیر شو کا انعقاد بھی کیا گیا۔کمانڈر پشاور کور لیفٹیننٹ جنرل عمر احمد بخاری نے عسکری آلات اور ہتھیاروں کی نمائش کا افتتاح کیا۔ تقریب میں پاک فوج انفنٹری ، انجینئرز، سگنلز، ائیر ڈیفنس اور آرٹلری کے زیر استعمال ہتھیاروں کی نمائش سمیت عملی مظاہرے شامل تھے۔ 
آرمی ایوی ایشن کے گن شپ کوبرا ہیلی کوپٹربھی نمائش میں شامل تھے۔MI-17 اور مشاق طیاروں نے فضائی مظاہرے کیے اور ساتھ  نمائش میں آرٹلری فائر، انفنٹری اِسولٹ ، مائنز اور فنس کلیئرنس ، اینٹی ٹیرارسٹ اور مکس مارشل آرٹس کا عملی مظاہرہ بھی پیش کیا گیا۔ نمائش میں خٹک ڈانس ، ڈاگ شو، گھڑ سواری اور براس بینڈ نے شائقین کو خوب محظوظ کیا۔ نمائش میں عسکری و سول حکام کے علاوہ بڑی تعداد میں سکولز ، کالجز اور یونیورسٹیز کے طلبا و طالبات سمیت فیملز نے بھی شرکت کی۔ شرکاء نے وطن عزیز کی بقاوسا لمیت کی خاطر جانوں کا نذرانہ پیش کرنے والوں کو زبردست خراج تحسین پیش کیا۔