گزشتہ دنوں چیئرمین جوائنٹ چیفس آف سٹاف کمیٹی جنرل ساحر شمشاد مرزا نے پاکستان نیوی وار کالج لاہور میں 53ویں پی این سٹاف کورس کے شرکاء سے خطاب کیا چیئرمین جوائنٹ چیفس آف سٹاف کمیٹی نے کثیر جہتی روایتی اور غیر روایتی سکیورٹی چیلنجز کا دوستانہ انداز میں مقابلہ کرنے کے لیے پاکستان کی مسلح افواج کی کوششوں پر روشنی ڈالی۔ چیئرمین جوائنٹ چیفس آف سٹاف کمیٹی نے پاک بحریہ کے بطور جنگی تیار فورس کے کردار کو سراہاجو ہمیشہ پاکستان کے سمندری مفادات کے تحفظ کے لیے قوم کی توقعات پر پوری اتری ہے۔ انہوں نے اس بات پر زور دیا کہ پاک بحریہ کی مادر وطن کے لیے بہادری اور قربانیوں کی قابل فخر تاریخ ہے۔ قبل ازیں پاکستان نیوی وار کالج کے کمانڈنٹ ریئر ایڈمرل اظہر محمود نے  چیئرمین جوائنٹ چیفس آف سٹاف کمیٹی کا استقبال کیا۔ چیئرمین جوائنٹ چیفس آف سٹاف کمیٹی نے یادگارِ شہداء پر پھولوں کی چادر چڑھائی اور فاتحہ خوانی بھی کی۔