Advertisements
گزشتہ دنوں ترک لینڈ فورسز کے کمانڈر جنرل سیلکوک بیرکتار اوغلو نے جوائنٹ سٹاف ہیڈ کوارٹرز راولپنڈی میں چیئرمین جوائنٹ چیفس آف سٹاف کمیٹی جنرل ساحر شمشاد مرزا سے ملاقات کی۔ بات چیت کے دوران سلامتی اور علاقائی امور کے علاوہ دوطرفہ فوجی مصروفیات اور تعاون کی سطح اور دائرہ کار کو بڑھانے سے متعلق امور پر تبادلۂ خیال کیا گیا۔ معزز مہمان نے پاکستان کی مسلح افواج کی اعلیٰ پیشہ ورانہ مہارت کو سراہا اور دہشت گردی کے خلاف جنگ میں ان کی قربانیوں کا اعتراف کیا۔قبل ازیں، جوائنٹ سٹاف ہیڈ کوارٹرز پہنچنے پر، تینوں افواج کے چاق چوبند دستے نے معزز مہمان کو گارڈ آف آنرز پیش کیا۔
تبصرے