گزشتہ دنوں چیف آف آرمی سٹاف جنرل سید عاصم منیر نے ہیوی انڈسٹریز ٹیکسلا کا دورہ کیا اور حیدر ٹینک (پائلٹ پروجیکٹ) کی رول آؤٹ تقریب میں بطور مہمان خصوصی شرکت کی۔تقریب میں عوامی جمہوریہ چین کے سفیر، چینی سرکاری کمپنی نورینکو کے اہم حکام، حکومت پاکستان اور پاک فوج کے اعلیٰ حکام اور ہیوی انڈسٹریز ٹیکسلا کے مختلف فوجی اور سویلین حکام نے شرکت کی۔ تقریب کے دوران ہیوی انڈسٹریز ٹیکسلا نے اپنے نئے حیدر ٹینک کی نقاب کشائی کی جسےنورینکو ((NORINCO چین اور پاکستان کی مختلف صنعتوں کے اشتراک سے مقامی طور پر تیار کیا گیا ہے۔
حیدر ٹینک وارفیئر کے میدان میں جدید ٹیکنالوجی اور متاثر کن صلاحیت کا حامل ہے جس میں قابل ذکر فائر پاور، تحفظ اور تدبیر کی خصوصیات ہیں۔ جدید ترین ٹیکنالوجیز کے ساتھ تیار کردہ حیدر ٹینک پاکستانی دفاعی صنعت کی دفاعی اختراع میں بہترین کارکردگی کی انتھک جستجو کا ثبوت ہے۔
آرمی چیف کو حیدر ٹینک کی تکنیکی صلاحیتوں اور اسلحے میں ملکی ترقی کے حصول میں ہونے والی پیش رفت کے بارے میں تفصیل سے آگاہ کیا گیا۔چیف آف آرمی سٹاف نے ہیوی انڈسٹریل کمپلیکس کے اندر دیگر مینوفیکچرنگ سہولیات کا بھی دورہ کیا اور ایک اور تکنیکی سنگ میل کی کامیابی میں افسران اور افرادی قوت کے عزم کو سراہا۔قبل ازیں آمد پر چیئرمین ہیوی انڈسٹریز ٹیکسلا نے چیف آف آرمی سٹاف کا استقبال کیا۔
تبصرے