اردو(Urdu) English(English) عربي(Arabic) پښتو(Pashto) سنڌي(Sindhi) বাংলা(Bengali) Türkçe(Turkish) Русский(Russian) हिन्दी(Hindi) 中国人(Chinese) Deutsch(German)
2024 13:05
اداریہ۔ جنوری 2024ء نئے سال کا پیغام! اُمیدِ صُبح    ہر فرد ہے  ملت کے مقدر کا ستارا ہے اپنا یہ عزم ! روشن ستارے علم کی جیت بچّےکی دعا ’بریل ‘کی روشنی اہل عِلم کی فضیلت پانی... زندگی ہے اچھی صحت کے ضامن صاف ستھرے دانت قہقہے اداریہ ۔ فروری 2024ء ہم آزادی کے متوالے میراکشمیر پُرعزم ہیں ہم ! سوچ کے گلاب کشمیری بچے کی پکار امتحانات کی فکر پیپر کیسے حل کریں ہم ہیں بھائی بھائی سیر بھی ، سبق بھی بوند بوند  زندگی کِکی ڈوبتے کو ’’گھڑی ‘‘ کا سہارا کراچی ایکسپو سنٹر  قہقہے اداریہ : مارچ 2024 یہ وطن امانت ہے  اور تم امیں لوگو!  وطن کے رنگ    جادوئی تاریخ مینارِپاکستان آپ کا تحفظ ہماری ذمہ داری پانی ایک نعمت  ماہِ رمضان انعامِ رمضان سفید شیراورہاتھی دانت ایک درویش اور لومڑی پُراسرار  لائبریری  مطالعہ کی عادت  کیسے پروان چڑھائیں کھیلنا بھی ہے ضروری! جوانوں کو مری آہِ سحر دے مئی 2024 یہ مائیں جو ہوتی ہیں بہت خاص ہوتی ہیں! میری پیاری ماں فیک نیوزکا سانپ  شمسی توانائی  پیڑ پودے ...ہمارے دوست نئی زندگی فائر فائٹرز مجھےبچالو! جرات و بہادری کا استعارہ ٹیپو سلطان اداریہ جون 2024 صاف ستھرا ماحول خوشگوار زندگی ہمارا ماحول اور زیروویسٹ لائف اسٹائل  سبز جنت پانی زندگی ہے! نیلی جل پری  آموں کے چھلکے میرے بکرے... عیدِ قرباں اچھا دوست چوری کا پھل  قہقہے حقیقی خوشی اداریہ۔جولائی 2024ء یادگار چھٹیاں آئوبچّو! سیر کو چلیں موسم گرما اور اِ ن ڈور گیمز  خیالی پلائو آئی کیوب قمر  امید کا سفر زندگی کا تحفہ سُرمئی چڑیا انوکھی بلی عبدالرحیم اور بوڑھا شیشم قہقہے
Advertisements

ہلال کڈز اردو

اداریہ : مارچ 2024

مارچ 2024

پیارے بچو!کیسے ہیں آپ ؟اُمید ہے آپ سب خیریت سے ہوں گے۔مارچ کا شمارہ آپ کے ہاتھوں میں ہے۔ آپ جانتے ہیں کہ اس ماہ کی 23 تاریخ ’یومِ پاکستان‘ کہلاتی ہے۔ 23 مارچ 1940کو برصغیر کے لاکھوں مسلمانوں نے لاہور کے منٹوپارک (جہاں آج     مینارِ پاکستان اپنی ساری بلندیوں کے ساتھ کھڑا ہے) اکٹھے ہوکر قائداعظم کی قیادت میں قرار داد ِ پاکستان منظورکی تھی۔
اس قرارداد کے ذریعے انہوں نے ہندوستان میں اپنے لیے ایک الگ وطن کا مطالبہ کیا تھا۔ ان کا یہ مطالبہ دراصل علامہ محمد اقبال ؒ کے  علیحدہ وطن کے اس تصور کو حقیقت کا روپ تعبیر دینے کا عزم تھا جو انہوں نے 1930 میں خطبہ الٰہ آباد میں پیش کیا تھا۔علامہ محمداقبالؒ نے اپنے اس تاریخی خطاب میں فرمایا تھا کہ مسلمان اور ہندو یکسر دو الگ قومیں ہیں اور ان کا اکٹھے رہنا ناممکن ہے۔اس مسئلے کا واحد حل مسلمانوں کےلیے الگ مملکت کا قیام ہے۔
23مارچ 1940ء کو برصغیر کے مسلمانوں نے شاعرِ مشرق کے اس تصور کواپنی منزل قراردیا تو ہر طرف ’’ لے کے رہیں گے پاکستان، بن کے رہے گا پا کستان اور پاکستان کا مطلب کیا ... لا الہ الااللہ‘‘ کی گونج بلند ہوئی۔ برصغیر کے طول و عرض میں ایسا عظیم الشان جذبہ پیدا ہوا جس کے سامنے انگریزوں کی کوئی تدبیر چل سکی نہ ہندوئوں کی کوئی مکاری کام آسکی۔وہ سب کو شکست دیتے ہوئے 14 اگست 1947 کو اپنی منزل پاکستان حاصل کرنے میں کامیاب ہوگئے۔ 
 ساتھیو!جس مقام پر قراردادِ پاکستان منظور کی گئی وہاں یادگار کے طور پر مینار ِپاکستان تعمیر کیا گیا ہے۔ یہ مینار اتحاد ویکجہتی کی علامت ہونے کے ساتھ ساتھ جدوجہد پاکستان کے دوران پیش کی جانے والی ان گنت قربانیوں کی یاد دلاتا ہے ۔یہ اس بات کا عکاس ہے کہ ہم نےاتحاد،ا یمان اور تنظیم کے جن اصولوں پر عمل کر کےآزادی کی منزل حاصل کی تھی، ملکی ترقی اور خوشحالی کے لیے بھی یہی اصول ہمارے رہنما ہیں۔ 
ساتھیو! پاکستان کی آزادی بہت سی قربانیوں کی مرہون منت ہے۔ اس کے لیے بے شمار افراد لقمہ اجل بنے، ہزاروں بچے یتیم ہوئے اور لاکھوں لوگوں کو ہجرت کی صعوبتیں برداشت کرنا پڑیں۔آج کے دن کا تقاضا ہے کہ ہم ان تمام قربانیوں کو یاد رکھیں اورایک سچے پاکستانی کا کردار ادا کرتے ہوئے اپنے پیارے وطن کی سلامتی، خوشحالی اور ترقی کو ہر چیز سے مقدم اور عزیز رکھیں۔ آج سوشل میڈیا کےذریعے پاکستان دشمن عناصر جس طرح ہماری پہچان اور تشخص پر حملہ آور ہیں، قوم کا مستقبل ہونے کے ناتے آپ سب کا فرض ہے کہ آپ اس میدان میں بھی آگے بڑھ کر قومی مفادات کے تحفظ کے لیے ڈٹ جائیں۔
یہ زمیں مقدس ہے ماں کے پیار کی صورت
اس چمن میں تم سب ہو برگ و بار کی صورت
دیکھنا گنوانا مت، دولتِ یقیں لوگو
یہ وطن امانت ہے اور تم امیں لوگو
اب اجازت دیجیے۔ ہمیں آپ کی ای میلز اور خطوط کا انتظار رہے گا۔ اللہ نگہبان!