گزشتہ دنوں کمانڈر کراچی کورلیفٹیننٹ جنرل بابر افتخار نے جنرل آفیسر کمانڈنگ حیدرآباد میجر جنرل محمد حسین کے ہمراہ کوٹری فیلڈ فائرنگ رینج میں جاری پری انڈکشن فزیکل ٹریننگ (پی آئی ٹی)مقابلوں اور لائوفائرنگ مشقوں کا مشاہدہ کیا۔ جن کا مقصد پیشہ ورانہ مہارتوں جنمیں مختلف آپریشنز، فائرنگ کی مشق اور پیچیدہ صورتحال و دشوار گزار ماحول میں کامیاب ہونا شامل ہیں۔ اس موقع پرکور کمانڈر کو ان مقابلوں اور تربیتی سرگرمیوں سے متعلق بریفینگ بھی دی گئی۔ انہوں نے ان مقابلوں اور مشقوں میں شریک افسران اور جوانوں کوشاباش دی۔
لیفٹیننٹ جنرل بابر افتخار نے پاک فوج میں مقابلوں کے انعقاد اورتربیتی سرگرمیوں کی افادیت پر روشنی ڈالتے ہوئے کہا کہ ایک فوجی کی اپنی پیشہ ورانہ ذمہ داری اور فرض کی راہ میں کامیابی، زمانہ امن کے دوران مربوط تربیت اور جذبے میں مضمر ہے۔انہوں نے مزید کہا کہ ضرورت کے وقت اپنی تمام تر صلاحیتوں اور جذبے سے بہترین انداز میں اپنی سرزمین کا دفاع کرنا ہی ہمارا اولین فریضہ ہے۔