Advertisements
کھولوں میں جب بھی دروازہ
دیتا عجب ہے یہ آوازہ
کھلتا ہے جب چر چر کر کے
کہتا ہے یہ آہیں بھر کے
گھر سے باہر جاتے کیوں ہو
مجھ کو روز رلاتے کیوں ہو
میں ہوں اسے جواباً کہتا
محنت کش بیٹھا نہیں رہتا
وقت پہ اس کو کام ہے کرنا
روشن اپنا نام ہے کرنا
حرکت میں برکت ہے پیارے!
محنت میں عظمت ہے پیارے!
مجھ کو باہر جانا ہوگا
اپنا فرض نبھانا ہوگا
سارے کاموں کو نمٹا کر
جلد ملوں گا واپس آ کر
تبصرے