ہلال ڈ یسک
ای یو ڈس انفو لیب رپورٹ
ای یو ڈس انفو لیب رپورٹ سے اقتباسات
9 دسمبر 2020 کو یورپین یونین ڈس انفارمیشن لیب کی ایک رپورٹ منظر عام پر آئی جس کا عنوان تھا:
Indian Chronicles Subsequent Investigation: Deep Dive into a 15 Year Operation Targeting the EU and UN To Serve Indian Interests
/https://www.disinfo.eu/publications/indian-chronicles-deep-dive-into-a-15-year-operation-targeting-the-eu-and-un-to-serve-indian-interests
انڈیا کی پاکستان دشمنی سب پرعیاں ہے اس لئے یہ رپورٹ پاکستان کے لئے بہت اہمیت کی حامل ہے۔ اس رپورٹ میں بھی یہ بات واضح ہوتی ہے کہ انڈیا نے پاکستان کی دشمنی میں کس طرح دنیا کے بڑے اداروں، اقوامِ متحدہ اور یورپی یونین کی پارلیمنٹ میں محاذ تیار کئے اور پاکستان کو دنیامیں بدنام کرنے کے لئے سازشیں کیں۔ EU ڈس انفو لیب نے انڈیا کی اس تمام پروپیگنڈامہم کو ' انڈین کرونیکلز' کا نام دیا۔ اس رپورٹ کے چند اقتباسات درجِ ذیل ہیں :
اس آپریشن کامقصد ایشیا میں موجوداُن ممالک کو بدنام کرنا ہے جو ہندوستان کے ساتھ تنازعات میں ملوث ہیں ان میں پاکستان بالخصوص اور ایک حد تک چین شامل ہیں۔ اس کے طویل المدتی مقاصد ہیں:
▪ اندرونی طور پر بھارت کی حمایت اور پاکستان مخالف اور (چین مخالف) جذبات کو تقویت دینا۔
▪ بین الاقوامی سطح پر طاقت کو مستحکم کرنا اور ہندوستان کے ان مفروضوں کو مؤثر انداز میں پروموٹ کرنا جن سے متعلقہ (مخالف) ممالک کی ساکھ کو نقصان پہنچایا جاسکے۔ یورپی یونین اور اقوامِ متحدہ جیسے بین الاقوامی اداروں کی مزید حمایت حاصل کرنا ۔
▪ یورپی پارلیمنٹ کے ممبران کو ان اقلیتی گروہوں کی ادارہ جاتی حمایت کے لئے استعمال کرنا اور انہیں ہندوستانی مفاد کے حصول اور پاکستان (اور چین) کے خلاف استعمال کرنا۔
▪ جنیوا اور اقوامِ متحدہ کی انسانی حقوق کونسل میں ایک فعال موجودگی کودرج ذیل طریقوں سے یقینی بنانا۔
- اقلیتی حقوق کی حمایت میں پروگرام (سائیڈ ایونٹس) اور مظاہروں کا انعقاد۔
- اقوامِ متحدہ کی منظور شدہ این جی اوز (جومتروک ہو چکی تھیں) کا نام استعمال کرکے، اور مختلف غیر فعال این جی اوزکے سپیکنگ سلاٹس (Speaking Slots) کا استعمال کرکے مجوزہ اقلیتوں کے لئے یواین میں آواز اٹھانا۔
▪ برسیلز، جنیوا اور دنیا بھر میں جعلی میڈیا کی تشکیل یا موجود مبہم میڈیا نیٹ ورکس جو تقریباً 95 ممالک میں موجودہیں،کا استعمال کیا گیا تاکہ وہ ممالک جن کے انڈیا کے ساتھ تنازعات ہیں (بالخصوص پاکستان) ان کے بارے میں آن لائن منفی اطلاعات کی بھرمارکی جاسکے۔
(ای یو ڈس انفو لیب رپورٹ 9دسمبر 2020صفحہ88)
اپنی تفتیش جاری رکھتے ہوئے ہمارے پاس یہ ثبوت موجود ہے کہ بلوچستان ہائوس اور سائوتھ ایشیاء ڈیموکریٹک فورم کے ڈومین نام Srivastava گروپ نے ہی رجسٹرڈ کرائے تھے۔ یہ دونوں تنظیمیں جنیوا میں منعقدہ سائیڈ ایونٹس (فنکشز وغیرہ) میں کافی سرگرم ہیں جو جنیوا میں فری بلوچستان کے پوسٹروں کی نمائش کے لئے بلوچستان ہائوس کافی مشہورہے جو ایک بڑے تنازعے کی وجہ بھی بنا۔
World Environment and Resources Council-WERC
انڈین کرانیکلز نے اس یورپی این جی او کو بھی نیا جنم دے کر اس کا غلط استعمال کیا۔ اسے WERC کے مرکزی موضوع سے متعلق خاص ایجنڈے کو پروان چڑھانے کے لئے بھی استعمال کیا گیا۔ 2018 میں اقوام متحدہ کی انسانی حقوق کونسل میں WERC کی جانب سے اظہار خیال کرتے ہوئے، ورلڈ سندھی کانگریس نے پاکستان میں ڈیم کی تعمیر کی مخالفت کی۔ اسے ANI نے ایک مضمون کے ساتھ ساتھ ایک ٹویٹر پیغام کے ذریعے بھی کورکیا۔
United Schools International-USI
ہم واضح طور پر اس بات کی تصدیق کرتے ہیں کہ اقوام متحدہ میں یونائیٹڈ سکولز انٹرنیشنل کی سرگرمیوں کا انعقاد سری واستوا گروپ نے کروایا۔ یہ بات اس لئے خاص دلچسپ ہے کیونکہ USI میں کی گئی تقاریرمیں اکثر پاکستان کو ہدف تنقید بنایا جاتا۔ اس کے ساتھ ساتھ USIایک اورتھنک ٹینکEFSAS (یورپین فائونڈیشن فار سائوتھ ایشین سٹڈیز) نامی سمیت دیگر تنظیموں کو ایک باقاعدہ پلیٹ فارم بھی فراہم کرتا۔
Centre for Environment Management Studies-CEMS
یہ بات بھی دلچسپ ہے کہ ANI اور مقامی میڈیا کے دوسرے جعلی نیٹ ورک جو ANI کے مضامین کو پھیلا رہے ہیں، وہ سنٹر فار انوائرمینٹ اینڈ مین جمنٹ سٹڈیز کو "برطانیہ بیسڈ انسانی حقوق گروپ" کے طور پر پیش کرتے ہیں، جس کا سربراہ امجد ایوب مرزا ہے جس کا تعارف "POK (پاکستان کے زیرقبضہ کشمیر) کے سرگرم رکن" کے طورپر کرایا گیا ہے۔ امجد ایوب مرزا خود کو این جی او کے ایگزیکٹو ڈائریکٹر اور "جموں کشمیر پیس اینڈ ڈویلپمنٹ انسٹی ٹیوٹ" کے کنسلٹنٹ کے طور پر پیش کرتا ہے۔ ANI نیوز ایجنسی کے کئی مضامین میں بھی اس کا نمایاں طور پر ذکر کیا گیا ہے۔
اصل این جی او کا مرکزی خیال/موضوع ماحولیات تھا جسے انڈین کرانیکلز نے پاکستان کو نقصان پہنچانے کے لئے ہائی جیک کرلیا۔ یہاں ایک ٹھوس مثال پیش کی جارہی ہے" سی پیک کے تحت ہمارے دریائوں کو ہائیڈروپاور منصوبوں کے لئے موڑا جا رہا ہے اور یہ منصوبے پانی کی کمی کا باعث ہونے کے ساتھ ساتھ ہمارے علاقے کے ماحولیاتی نظام کو ہمیشہ کے لئے تباہ کردیں گے۔ گلگت بلتستان سے تعلق رکھنے والے سیکڑوں نوجوان قومی وسائل کی لوٹ مار کے خلاف احتجاج کرنے پر 70-90 سال کی قید کاٹ رہے ہیں۔"
Canners International Permanent Committee -CIPC
UNHRC میں اس تنظیم کی نمائندگی جنیوا میں موجود طلبا کی ذریعے ہوتی اور ان کا زیادہ تر موقف انڈیا کے حمایت میں اور پاکستان کی مخالفت پر مبنی ہوتا۔ CIPC نے "ہیومن رائٹس ڈیفنڈرز کے موضوع پر بھی ضمنی ایونٹس کا انعقاد کیا۔اصلی این جی او کے مرکزی خیال/موضوع canned foods تھا۔ جسے انڈین کرانیکلز نے انسانی حقوق کونسل میں پاکستان کو نقصان پہنچانے کے لئے یکسر بدل کر رکھ دیا۔
1۔ غیر منسلک سٹڈیز کا بین الاقوامی ادارہ (آئی این ایس)(شفاف روابط)
2۔ کمیشن برائے امن و امان کا مطالعہ(سی ایس او پی)(مخفی روابط)
3۔ انڈین کونسل آف ایجوکیشن آئی سی ای (شفاف روابط)
4۔ بین الاقوامی کلب برائے امن ریسرچ (آئی سی پی آر) (مخفی روابط)
5۔ عالمی ماحولیات اور وسائل کونسل (ڈبلیو ای آر سی) (مخفی روابط)
6۔ یونائیٹڈ سکول انٹرنیشنل یو ایس آئی (مخفی روابط)
7۔ افریقہ میں جمہوریت کی بین الاقوامی تنظیم (آئی اے ڈی اے) (مخفی روابط)
8۔ افریقی یونین برائے سائنس اور ٹیکنالوجیPAUFST(مخفی روابط)
9۔ کینئرز(Canners) بین الاقوامی مستقل کمیٹی سی آئی پی سی(مخفی روابط)
10۔ سینٹر برائے ماحولیاتی اور انتظامی علوم سی ای ایم ایس (مخفی روابط)
International Club for Peace Research - ICPR
انٹرنیشنل کلب فار پیس ریسرچ (ICPR)کا 2012 تک
(United Nations Economic and Social Council (ECOSOC کے ساتھ مشاورتی تعاون تھا اور اقوام متحدہ کی انسانی حقوق کونسل کے ساتھ جنیوا اور نیویارک میں منعقد ہونے والی ضمنی میٹنگز اور مظاہروں میں پاکستان میں انسانی حقوق کے حوالے سے باقاعدگی سے آواز اٹھاتی رہی۔ UNHRC میں اس کی نمائندگی جنیوا بیسڈ طلبا یا پھر پاکستانی اقلیتوں کے ذریعے کی جاتی، اور ان کا زیادہ تر بیانیہ انڈیا کی حمایت جبکہ پاکستان کی مخالفت میں ہوتا۔
Pan African Union for Science and Technology - PAUFST
تنظیم کی ویب سائیٹ ڈومین 20 (pafust.com) جنوری 2016 کو اسی روز رجسٹرہوئی جب اس طرح کی دوسری این جی اوز کی ڈومین ناموں کا اندراج ہوا اور اسے بھی سری واستوا کی ملکیتی دوسری ویب سائیٹس کے ساتھ اسی IP ایڈریس پر چلایا گیا۔ پروفیسر ایڈورڈ ایس آئینسو Prof. Edward S. Ayensu کانام استعمال کرکے اس کی ویب سائٹ ڈومین کو رجسٹرڈ کیاگیا۔ حالانکہ پروفیسر موصوف کا اس ادارے سے اُن دنوں کوئی تعلق نہیں تھا۔ لہٰذا اس تنظیم کے معدوم ہونے کے بعد انڈین کرانیکلز نے اسے دوبارہ جنم دیا۔
ایس اے ڈی ایف بھی ایک ایسی تنظیم تھی جو مختلف ٹرپس(trips) آرگنائزیشن کرنے کے لئے معاونت کرتی رہی۔ جس میں مالدیپ کے متنازعہ غیر سرکاری دورے بھی شامل ہیں۔ یہ وہی تنظیم ہے جس نے جنیوا کے سفر کے لئےMEP Thierry Marianis ممبر یورپی پارلیمنٹ کو رقم بھی دی تاکہ جموں کشمیر کے بارے میں پریس کانفرنس میں شرکت کرسکے۔ اس پریس کانفرنس کو سری واستوا گروپس، 4 نیوز ایجنسی اور ٹائمزآف جنیوا (Times of Geneva)نے کور کیا۔
مدی شرما (Madi Sharma) جو کہ(Women's Economic and Social Think Tank) WESTT کی بانی ہیں اور ہماری تحقیقات میں بار بار سامنے آتی رہی ہیں۔ وہ مالدیپ کے متنازعہ دورے کا حصہ تھیں جس میں MEPs (ممبر یورپین پارلیمنٹ) بھی شامل تھے اس کی تنظیم ان ٹرپس کا انعقاد کرتی تھی۔
WESTT ایک ایسی تنظیم تھی جس نے سری واستواگروپ کی تنظیم IINS (International Institute of Non- Aligned Studies)
کے ساتھ باہم مل کر MEPs کے اکتوبر 2019 میں جموں اور کشمیر کے دورے کے لئے بھی معاونت کی تھی۔ جسے بڑے پیمانے پر پریس نے کور کیا۔ مدی شرما ، سری واستوا گروپ کے اخبار' نیو دہلی ٹائمز 'کے لئے یورپی یونین کی باضابطہ نامہ نگار ہیں۔ممبر یورپین پارلیمنٹ MEPsکے کشمیر کے دورے کے بعد اخبار 'India Today'نے تحقیقات کا انکشاف کیاکہ WESTT نے جس این جی او کانام اپنی ویب سائٹ پر مشتہر کیا تھا اُس کاUK میں کوئی وجود ہی نہیں تھا۔
ہم نے کم سے کم دس واقعات گنوائے جیسے جنیوا میں اقوامِ متحدہ UN بروکن چیئر (Broken Chair) کے سامنے مظاہرے ، نیویارک میں یواین کے باہر مظاہرے، کیپیٹل ہل واشنگٹن، ڈی سی میں 'اوٹاوا(Ottawa) میں پاکستان ایمبیسی کے سامنے تقاریب کا انعقاد، برسلز Brussels اور Strassbourgمیں یورپین پارلیمنٹ کی میزبانی میں کانفرنسز کا انعقادبھی بلوچستان ہائوس منعقد کرتا ہے۔ جنہیں MEPs کی معاونت حاصل ہوتی ہے جو انڈین تواریخ (Chronicles) سے منسلک ہیں۔ جیسے کہMEP Czarnecki اور MEP Martuciello اور سابقہMEP Paolo Casaca ( جو اب SADF تھنک ٹینک کا سربراہ ہے) ان تقاریب میں عام طور پر پاکستان کی خارجہ پالیسی پر اور چین کی خارجہ پالیسی پر تنقیدکی جاتی ہے یاپھر دونوں پر تنقید ہوتی ہے۔
آئی سی آئی آر سی(ICIRC) کو بیلجیم میں 2009 میں پرمیلا (Pramila) اور انکیت سری واستوا نےSquare de Meeus 37 میں قائم کیا تھا۔جوکہ EP Today اور برسلز میں سری واستوا گروپس کاموجودہ پتہ برسلز میں ہے آئی سی آئی آر سی جو کہ انٹرنیشنل امام آرگنائزیشن کی بنیادی تنظیم ہے جس کو بھی انکیت سری واستوا نے 2011 میں قائم کیا جو آج بھی فعال ہے۔ جو اپنی شناخت مسلمانوں کے لئے ایک ایسے پلیٹ فارم کے طور پر کررہی ہے جو قرآن کی تبلیع میں شامل ہے۔
EOPM کو ہماری پہلی تفتیش میں بیان کیا گیا ہے۔ یہ تنظیم سری واستوا گروپ کے ذریعے تشکیل دی گئی تھی اور بنیادی طور پر پاکستانی اقلیتوں کے بارے میں مظاہروں اور پروگراموں کے انعقاد کی انچارج تھی۔ جس نے سری واستوا کے زیر انتظام ایک اور تنظیم کے ساتھ باہم بہت قریب رہ کر کام کیا۔ جسے پاکستانی خواتین کی انسانی حقوق کی تنظیم (Pakistani Woman Human Rights Organization)کہا جاتا ہے۔
18 ستمبر کوBusiness Standard (جس کے دو ملین فالورز ٹویٹر پر موجود ہیں) نے ایک ANI رپورٹ شائع کی جس کی بنیاد EU Chronicle کا ایک آرٹیکل تھا، جس کا عنوان تھا کہ MEPs نے یورپی یونین پر زور دیا ہے کہ وہ چائنہ میں ہونے والے انسانی حقوق کی پامالیوں پر سخت ایکشن لے۔
The Times of India( جس کے 13.201m فالورز ٹویٹر پر موجود ہیں) نے 14 اکتوبر کو ایکANI شائع شدہ ممبر یونین پارلیمنٹ Fluvio Martusciello کے آرٹیکل کو شائع کیا جو اس سے بھی پہلے ای یو کرانیکل نےOp-edکے طور پر چھاپا تھا اور جس کا عنوان ''پاکستان کشمیر کے موجودہ بحران کا ذمہ دار ہے۔''تھا۔
مجموعی طور پر ہمیں400سے زائدDomain name ملے ( یہ تمام انڈین کرانیکل سے منسلک نہیں ہیں) جوسری واستو کے ذاتیemail سے خریدے گئے یا ان اداروں کے email سے جو ان کی کمپنی سے منسلک ہیں ۔
اسی طرح ان کی بزنس پروفائل کے مطابق یہ ان بہت سی آرگنائزیشن میں بطورCEO کام کرتے ہیں جو Srivastava گروپ سے منسلک ہیں۔
مزید یہ کہMr Ankit سیاسی و بین الاقوامی منظر نامے پر خاصے متحرک ہیں جیسا کہ انہوں نے 1999 میں جنیوا کے اندر ہونے والی اقوامِ متحدہ کی میٹنگ میں شرکت کی اورSrivastava تھنک ٹینک جیسے IlNS اور انڈین کونسل آف ایجوکیشن کی نمائندگی کی ۔
Mr Ankit نے AN Consultکی بنیاد رکھی جو کہ ایک مشاورتی ادارہ ہے اور مبینہ طور پر جنیوا اور برسلز میں کافی متحرک ہے ۔ یہی کمپنی Public affairs اورSpecial operation میں وسیع تجربہ رکھنے کی دعوے دار ہے۔
Mr Ankit (ICIRC) انٹرنیشنل کونسل برائے بین المذاہب تعاون کے بانیوں میں سے ہیں جس کا تذکرہ EP Todayمطبوعہ نقول میں بھی ہے۔ EP Today کا ایک ایڈریس ہے جہاں پر کوئی شخص اپنی سبسکریپشن بھیج سکتا ہے یاد رہے کہ یہ میگزین جعلی ہے اور اس سری واستوا گروپ کا تعلق متعدد ڈومین کے ساتھ ہے۔
csopus.com ڈومین جس نام سے رجسٹرڈ ہوئی وہ لوئس شون ہے۔ اس نام کے حوالے سے پہلے تو ہمیں کوئی آن لائن ٹریسز نہ مل سکے۔ تاہم ہم نے اپنے نیٹ ورک میں لوگوں کے ناموں کے ہجے بار بار تبدیل ہونے کا رجحان دیکھا۔ (جیسا کہ اس رپورٹ میں مزید مثالیں دی گئی ہیں۔)
"لوئس شون" سے مراد "لوئس سوہن" یا "لوئس بی سوہن" ، سابق چیئرمین کمیشن ٹو سٹڈی آرگنائزیشن آف پیس(CSOP) ہے۔ لوئس سوہن کو "امریکہ میں بین الاقوامی انسانی حقوق کا بابا" خیال کرتے ہوئے ہم نے اس رپورٹ کا انتساب اس کے نام کیا ہے۔
یاد رہے کہ "لوئس شون" عرف لوئس سوہن کا نام 2007 میں اقوام متحدہ کے انسانی حقوق کمیشن کے ایک سیشن میں CSOP کے نمائندے کے طور پر شرکت کے لئے درج کیا گیا تھا لیکن وہ اس میں شریک نہ ہوسکے کیونکہ 2006 میں ان کا انتقال ہوچکا تھا۔ اسی طرح، "ڈاکٹر لوئس بی شون کا نام جولائی 2011 میں واشنگٹن ڈی سی میں انسٹی ٹیوٹ برائے گلگت بلتستان سٹڈیزکے زیر اہتمام ہونے والی ایک تقریب "یورپین پارلیمنٹ میں فرینڈز آف گلگت بلتستان کے چیئرپرسن Jrgen Creutzmann کے ساتھ ایک شام" کے شرکا کی فہرست میں بھی درج تھا۔
دلچسپ بات یہ ہے کہ ICPRکی ڈومین "J.MFouatie" کے نام سے رجسٹر ہوئی، جو انٹرنیشنل کلب فار پیس ریسرچ (ICPR)کے اصل سابق نمائندے (J. MFouatie) کا حوالہ دیتی ہے۔ ان کی LinkedIn پر موجود معلومات کے مطابق 1998-99 J. MFouatie تک ICPR سے منسلک رہے اور 2000 سے اقوام متحدہ کے ساتھ کام کرتے چلے آرہے ہیں۔ اپنے نام کی ڈومین درج کرواتے ہوئے ان سے ہجوں میں اتنی بڑی غلطی کا احتمال تک نہیں ہوسکتا لہٰذا ہم سمجھتے ہیں کہ انڈین کرانیکلز نے کسی دوسرے کی شناخت کو ایک مرتبہ پھر ہائی جیک کرلیا۔
یہ بات بھی قابل ذکر ہے کہ ICPR کے آرکائیو کے مطابق اس ویب سائیٹ کو 2004 میں بنایا گیا، جو کہ غلط ہے۔ اس کے "About Us" سیکشن میں فروغ امن اور مدرٹریسا کا حوالہ دیا گیا، یہاں افریقہ میں امن اور انسانی حقوق سے متعلق ماضی کی تقریبات اور میٹنگز کی ایک فہرست موجود ہے تاہم اس کے "news" ، "pictures"اور "demonstrations" سیکشنز صرف اور صرف پاکستان میں انسانی حقوق سے متعلق ہیں۔ دو پریس ریلیزوں میں اس تنظیم کے جو ای میل ایڈریس استعمال ہوئے ہیں قوی امکان ہے کہ وہ میڈیا کے دو جعلی ناموں John Mathew اور James Harper سے منسوب ہیں اور انہیں انکت سری واستوا نے اپنے مقصد کے لئے استعمال کیا ہے۔
▪ لوئیس شان (Louis Shaon)
▪ راول میکزی (Raul Mckenzae)
▪ راہول ملہوترا (Rahoul Malhotra)
▪ مارٹن رٹوکز (Martin Rutowicz)
▪ ریاض ملک (Riyaz Malik)
▪ ریاض خان (Riyaz Khan)
▪ رحیم جعفر (Rahim Jaffer)
▪ احمدالیاسی (Ahmed Alyasi )
▪ مسعودہ جلال (Massouda Jalal )
ایک اور مثال ماریہ رٹوکز کی ہے جس کا اصل نام مارٹن ہو سکتا ہے اس کا تعلق
▪ [email protected]
▪ [email protected]
▪ [email protected]
وغیرہ سے تھا)
اس سے اندازہ ہوتا ہے کہ کس طرح اور کتنی بار انڈین کرونیکلز نے نام، ای میلز اور آرگنائزیشنز بدل بدل کے لوگوں کو بے وقوف بنایاہے۔ ہماری تحقیقات کی روشنی میں اس کے کچھ کردار جیسے کہ چارلس فورسپس ریکاڈو کیرویو اور رائول میکنزی ہیں ،کا کہیں کوئی وجود نہیں ہے اور یہ صرف جھوٹے کردار تھے۔ اس کے علاوہ ان فرضی کرداروں میںلوئس شان، ماریوسلوا، رائول میکنزی، راہول ملہوترا وغیرہ شامل ہیں تحقیقات کے دوران ہمیں ایک اور فرضی کردار بھی پتہ چلا جو خود کو UK میں موجود انوسٹی گیٹو جرنلسٹ کہلواتا اور جیمز ڈگلس کرکٹن کے نام سے موسوم ہوتا۔ ہمیں اس کی حقیقت اور موجودگی کا بھی کوئی سراغ نہیں ملا۔ ماسوائے ان op-ed کے جو جنوبی ایشیا کے مسائل کی کوریج کرتے ہوئے دکھائی دیئے۔ اس کے کئے گئے دعوئوں میں سے ایک پاکستان کے بارے میں تھا جسے بھارتی اور پاکستانی میڈیا نے کور بھی کیا۔ حالانکہ اس کے وجود کی کوئی بھی مصدقہ گواہی میسر نہیں آئی جس سے اندازہ ہوتا ہے کہ کس طرح انڈین کرونیکلز میں اطلاعات کو توڑ مروڑ کر پیش کیاگیا ۔
جنیوا میں بھیUNHRC کے ما تحت کام کرنے والی NGOsکا مہیا کردہ مواد بھی کھنگالا گیا ہے۔ اس مواد میں سیمینار، پریس کانفرنس اور احتجاج شامل ہیں جوانڈین کرونیکلز اوریاNGOs اور تھنک ٹینکس کا پیدا کردہ تھا۔ جس کا مقصد بین الاقوامی سطح پر بھارت کے لئے حمایت حاصل کرنا تھا اور یہ کہ دنیا کی سطح پر اور اندرونی طور پر بھارت کو ایک مضبوط ملک دکھایا جاسکے۔ اور پاکستان کے خلاف فیصلے اور قرار دادیں لائی جاسکیں۔
اس سب کا ایک ہی مقصد تھا کہ اصل بات چھپائی جائے MEPsاورEU سے آنے والی امدادبڑھائی ، یا مسخ کی جائے ،تاکہ بھارتی نقطہ نظر کے ساتھ وہ مطابقت رکھ سکے اور برسلز میں بھی لابنگ(Lobbyig) کی جاسکے۔
یہ سب کچھ سامنے آنے کے بعد فیصلہ سازوں کے لئے ضروری ہو جاتا ہے کہ وہ ایک ایسا فریم ورک سامنے لے کر آئیں جس سے بین الاقوامی اداروں کا منفی استعمال کرنے والے عناصر پر پابندیاں عائد کی جاسکیں۔
یہ ممکن ہے کہ ان بین الاقوامی اداروں کے انڈین کرانیکلز سے متاثر ہونے سے متعلق آواز اٹھائے جانے کی عدم موجودگی نے اس آپریشن کو موقع فراہم کیا کہ یہ دوبارہ تقویت پکڑے اور جو کچھ کیا جا رہا تھا اُسی ڈگر پر چلتا رہے۔ ہمارا یہ بھی ماننا ہے کہ بدنیت عناصر کی جانب سے سرچ انجن کا ایک ہی مواد کے لئے سیکڑوں بار غلط استعمال کرنے کے امکان کو بھی چیلنج کیا جانا چاہئے۔
یہ تحریر 1294مرتبہ پڑھی گئی۔