چیف آف آرمی سٹاف کا دورہ کوئٹہ گیریژن
’’بلوچستان پر میری بھرپور توجہ ہے اور دیگر صوبوں کی طرح بلوچستان میں بھی خوشحالی اہم مقصد ہے‘‘۔ چیف آف آرمی سٹاف

گزشتہ دنوں چیف آف آرمی سٹاف جنرل قمر جاوید باجوہ نے کوئٹہ گیریژن کا دورہ کیا۔ اس موقعے پر انہیں ہیڈکوارٹرز سدرن کمانڈ اور ہیڈکوارٹرز ایف سی بلوچستان میں صوبے کی سکیورٹی صورتحال پر تفصیلاً بریفنگ دی گئی۔

چیف آف آرمی سٹاف جنرل قمر جاوید باجوہ نے سکیورٹی فورسز کی کارکردگی کو سراہتے ہوئے کہا کہ دہشت گردی کے واقعات اور فرقہ ورانہ حملوں میں نمایاں کمی ہوئی ہے۔ دہشت گرد شکست خُوردگی کی وجہ سے قانون نافذ کرنے والے اداروں

(LEAs)
اور آسان اہداف کو نشانہ بنا رہے تھے۔ انہوں نے ایف سی‘ پولیس‘ پاک فوج اور انٹیلی جنس اداروں کے کردار کو سراہتے ہوئے کہاکہ فراریوں کے ہتھیار ڈالنے میں اضافہ قانون نافذ کرنے والے اداروں کی ہی کاوشوں کا نتیجہ ہے۔ اس موقعے پر چیف آف آرمی سٹاف جنرل قمر جاوید باجوہ نے کہا کہ بلوچستان پر میری بھرپور توجہ ہے اور دوسرے صوبوں کی طرح بلوچستان میں بھی خوشحالی اہم مقصد ہے۔ بعدازاں چیف آف آرمی سٹاف پاک فوج کے جوانوں اور افسران سے ملے اور اُن کے بلند حوصلوں کو سراہتے ہوئے کہاکہ ہم پاکستانی عوام کی فوج ہیں اور ان کی مکمل حمایت کے ساتھ اپنی ذمہ داریاں نبھاتے رہیں گے۔