شعر و ادب

پاک آرمی کے نام

اے میری فوج خدا تُجھ کو سلامت رکھے
تیرے آہن کو جواں تا بہ قیامت رکھے
ایک طوفان ہے برپا تیرے جاں بازوں میں
موج در موج ہے ساحل تیرے گردابوں میں
جذبۂ جہد کی مے ہے تیرے پیمانوں میں
ہے شہادت کا عقیدہ تیرے پروانوں میں
اے میری فوج خدا تجھ کو سلامت رکھے
تیرے آہن کو جواں تا بہ قیامت رکھے
برق رفتار ہے اور قافلہ سیماب تیرا
آسمانوں پہ گیا نعرئہ بے باک تیرا
دشمنوں کے لئے آہن ہے غضب ناک تیرا
آشنا رازِ شہادت سے ہے ادراک تیرا
اے میری فوج خدا تجھ کو سلامت رکھے
تیرے آہن کو جواں تا بہ قیامت رکھے
کوئی سرور، کوئی بھٹی، کوئی شبیر یہاں
جاں لالک کی دہکتی ہوئی شمشیر یہاں
میرے اکرم، میرے محفوظ کی تکبیر یہاں
دشمنوں کے لئے بربادی کی تصویر یہاں
اے میری فوج خدا تجھ کو سلامت رکھے
تیرے آہن کو جواں تا بہ قیامت رکھے          

یہ تحریر 175مرتبہ پڑھی گئی۔

TOP