گزشتہ دنوں جمہوریہ شام کے سفارت خانے نے پاک فضائیہ کے ایئر کموڈور (ریٹائرڈ) ستار علوی کو 1973 کی عرب اسرائیل جنگ کے دوران بہترین خدمات سرانجام دینے پر اعزاز سے نوازا۔ شامی عرب فضائیہ کی جانب سے اور  حکومت شام کی ہدایات پر شام کے سفیر ڈاکٹر رمیز الرعی نے ائیر کموڈور (ریٹائرڈ) ستار علوی کو شام کا تمغہ شجاعت عطا کرنے کے ساتھ ساتھ  تعریفی سر  ٹیفکیٹ سے بھی نوازا۔

یاد رہے کہ26 اپریل 1973 کو پاک فضائیہ کے بہادر سپوت فلائٹ لیفٹیننٹ ستار علوی نے شامی فضائیہ کا مگ-21 لڑاکا طیارہ اڑاتے ہوئے اسرائیلی میراج طیارہ مار گرایا اور تاریخ  میں اپنا نام سنہری حروف میں رقم کیا۔ حکومتِ شام کی جانب سے یہ اعزاز بلاشبہ پوری پاکستانی قوم کے لیے قابلِ فخر بات اور آنے والی نسلوں کے لیے مشعلِ راہ ہے۔