پاک فوج کے زیر انتظام پاکستان موٹر ریلی کا انعقاد

Published in Hilal Urdu

تحریر: میجر مظفراحمد

پاکستان کے 70 ویں یوم آزادی کی تقریبات کے تسلسل میں پاک فوج کے زیر انتظام مؤرخہ 21 اکتوبر 2017ء سے 31 اکتوبر 2017ء تک قومی موٹر ریلی کا انعقاد کیا گیا۔
ریلی کے انعقاد کا مقصد جہاں دنیا کو یہ باور کرانا ہے کہ پاکستان اور اُس کے عوام پُرامن ہیں اور خطے میں امن چاہتے ہیں وہاںجذبۂ ملی یکجہتی و یگانگت کو اُبھارنا بھی شامل ہے۔ اس کے ساتھ ساتھ پاکستان میں ایڈونچر سپورٹس، سیاحت اور ثقافتی ورثے کی ترویج کرتے ہوئے ملک کے حقیقی عکس کو روشناس کرانا اور ملک میں مختلف سپورٹس کلبوں کے مابین ربط اور ملک میں سپورٹس کلچر کو فروغ دینا شامل ہے۔


موٹر ریلی کا انعقاد چیف آف آرمی سٹاف جنرل قمر جاوید باجوہ کی ہدایات اور سرپرستی میں ہوا۔ لیفٹیننٹ جنرل عاصم سلیم باجوہ کی نگرانی میں موٹر ریلی کو حتمی شکل دی گئی۔ جبکہ ہیڈ آف ریلی سیکرٹریٹ میجر جنرل منظور احمد تھے۔ مزید برآں نمایاں کلبوں کے نمائندے عمران افتخار، اسد مروت، بابر خان، محسن اکرام، سردار حسن صادق اور نادر علی خان مگسی ریلی کا کلیدی حصہ تھے۔


ریلی خنجراب سے شروع ہوئی اور ملک کے تمام صوبوں سے گزر کر 3000 کلومیٹر کا فاصلہ طے کرتے ہوئے گوادر پر اختتام پذیر ہوئی۔ موٹر ریلی پاکستان کے مختلف علاقوں خنجراب، چترال، مظفر آباد، اسلام آباد، لاہور، ڈیرہ اسماعیل خان، رزمک (شمالی وزیرستان)، گومل زام ڈیم، کوئٹہ اور کراچی سمیت دیگر شہروں سے ہوتی ہوئی گوادر پہنچی۔


ریلی میں 23 موٹر کلبوں سے منسلک 300 سے زائد جیپیں، 500 ہیوی موٹر بائیک اور 150 نایاب و حسین کاریں شامل تھیں۔
ریلی میں انتہائی ماہر جیپ ، کار اور موٹر سائیکل سواروں نے 3000 کلو میٹر تک کا فاصلہ انتہائی جانفشانی، محنت اور ہمت کے ساتھ گیارہ دنوں میںطے کیا۔ مزید برآں ریلی سے یکجہتی کرتے ہوئے اس کی گزر گاہوںکے نزدیکی علاقوں کے کار و موٹرسائیکل سواروں نے بھی شرکت کی۔ ہر مرحلے کے اختتام پر اسلام آباد، گومل زام ڈیم، مقبرہ قائداعظم اور گوادر میں نہایت دلفریب کار مظاہروں کا انعقاد کیا گیا اور ساتھ ہی منفرد ثقافتی شومنعقد کئے گئے اور محافل موسیقی بھی سجائی گئیں۔ جس میں شفقت امانت علی، عاطف اسلم اور سائرہ پیٹر جیسے ملک کے نامور اداکاروں اور گلوکاروں نے شرکت کی۔ریلی کے مراحل کے اختتام پر ملک کی اہم شخصیات نے اعلیٰ کارکردگی دکھانے والے موٹر سواروں میں انعامات تقسیم کئے۔ 31 اکتوبر 2017ء کو ریلی کے اختتام پر ایک پُروقار تقریب کے دوران چیف آف آرمی سٹاف جنرل قمر جاوید باجوہ نے نمایاں کارکردگی کا مظاہرہ کرنے والوں میں انعامات تقسیم کئے اور حوصلہ افزائی کی۔

newspakarmykzerehtmam.jpg

 
Read 157 times

Leave a comment

Make sure you enter the (*) required information where indicated. HTML code is not allowed.

Follow Us On Twitter