شبنم کی طرح چمکدار زمین۔۔۔۔۔یوکرائن

Published in Hilal Urdu August 2017

تحریر: کوکب علی

’’ یوکرائن کی چمکدار زمین۔۔۔ تم ہمیشہ دمکتی رہو۔۔۔متحد اور شبنم کے قطروں کی طرح تابناک رہو۔یہاں تک کہ سورج تمہیں ماند نہ کر دے۔۔۔۔
ہم زمین پر حکومت کریں گے اور اس کو ترقی کی منازل تک پہنچائیں گے۔۔۔
ہم نے اپنی روح تک اس زمین کی آزادی کے لئے قربان کی۔۔ جذبہ اور محنت ہمارے روشن مستقبل کی ضمانت ہیں ،
ہمارے لباس سے بہتا خون۔۔قوم کے خوشحال لوگوں کو مزید سر بلند کرے گا
اور ہمارے وطن کی ندیاں اور جھرنے بھی آنے والوں کو ہماری کہانیاں سنائیں گے۔ ‘‘

shabnamkitarah.jpg
یوکرائن کے قومی ترانے کے یہ خوبصورت الفاظ اپنے وطن سے محبت کا منہ بولتا ثبوت ہیں اور یوکرائنی قوم کے جذبوں کی آماجگاہ بھی۔۔
ماہِ اگست اپنے اندر ایک خوبصورت کشش رکھتا ہے۔ جیسے14 اگست 1947 سے وابستہ دلی جذبات اُس وقت خصوصی اہمیت اختیار کر جاتے ہیں، جب وقت اور زمانوں سے ادھر چشمِ تصور میں پاکستان کا سبز ہلالی پرچم لہراتا ہے۔۔۔اور اپنی مٹی کی خوشبو، زمین ، موسم ، تہذیب ، تمدن ، تہوار ،، دیارِ غیر میں بھی اپنی محبتوں کے سحر میں جکڑ لیتے ہیں۔۔۔ اسی طرح 24 اگست یوکرائن کی آزادی کا دن ہے۔۔۔جو یہاں کے رہنے والوں کی دلی محبتوں سے عبارت ہے۔۔


ملکی تاریخ میں آزادی کا دن وہ تاریخ ساز دن ہوتا ہے جو آنے والی نسلوں کو زندگی امر کر جاتا ہے اور آزاد فضاؤں میں سانس لینے والے اس وطن سے محبت اور وفاداری کے امین رہتے ہیں -
ہر سال جیسے 14 اگست پاکستان میں سرکاری سطح پر منایا جاتا ہے ،کیونکہ یہ دن لا زوال قربانیوں کا مظہر ہے اور انسانی تاریخ کی جدو جہد کا ایک روشن باب بھی۔ اسی طرح یوکرائن میں بھی اگست کا مہینہ اس ملک کے لوگوں کے لئے آزادی کا پروانہ لے کر آ یا اور24 اگست 1991 کو خطۂ ارض پر یوکرائن ایک آزاد ملک کی حیثیت سے اُجاگر ہوا لہٰذا اس دن کو نہایت جوش و جذبے سے منایا جاتا ہے۔۔24 اگست1991 یوکرائن کی تاریخ کا خوبصورت دن خیال کیا جاتا ہے جب یوکرائنی قوم کو آزادی کی نوید سنائی گئی۔۔اور اگلے ہی برس1992 میں ایک آزاد ملک کی حیثیت سے پاکستان اور یوکرائن کے سفارتی تعلقات استوار ہوئے۔۔۔۔اس دن کی مناسبت سے پورے یوکرائن میں مختلف تقریبات کا انعقاد کیا جاتا ہے۔۔
یوکرائن کے دارالحکومت
Kiev
میں فوجی پریڈ کا اہتمام کیا جاتاہے رضا کار فوجی دستے
March of the Unconquered
پیش کرتے ہیں جو ان لوگوں کی یاد میں پیش کی جاتی ہے جو آزادی کی راہ میں مارے گئے۔۔ اور ان تمام لوگوں کو
Heavenly Hundred
کے نام سے یاد کیا جاتا ہے۔ نیلے اور پیلے رنگ پر مشتمل یوکرائن کا جھنڈا تھامے مختلف شہروں میں مارچ کیا جاتا ہے۔وطن سے محبت کے گیت گائے جاتے ہیں۔۔ٹیلی ویژن سٹیشن سے نشریات پیش کی جاتی ہیں ، کنسرٹس کئے جاتے ہیں ،نمائش کا اہتمام کیا جاتا ہے ،آتش بازی کے مظاہرے پیش کئے جاتے ہیں اور فری مارکیٹس کا اہتمام کیا جاتا ہے اور پورا دن اسی طرح پُررونق اور پُر مسرت طریقے سے گزارہ جاتا ہے۔۔مگر سچ تو یہ ہے کہ سرزمین کوئی بھی ہو مٹی کے قرض وہاں کے رہنے والوں پر واجب ہوا کرتے ہیں۔۔۔

مضمون نگار مختلف اخبارات و رسائل کے لئے لکھتی ہیں۔۔ آپ ان دنوں یوکرائن میں مقیم ہیں۔

This email address is being protected from spambots. You need JavaScript enabled to view it.

 
Read 203 times

Leave a comment

Make sure you enter the (*) required information where indicated. HTML code is not allowed.

Follow Us On Twitter