قومی مہم برائے مینگرووزاُگاؤ کا آغاز
newsqoumimuhimmangr.jpgگزشتہ دنوں پاک بحریہ نے ’’ پاک بحریہ مینگرووز اُگاؤ مہم 2017‘‘ کا آغاز کیا۔ اس مہم کے دوران صوبہ سندھ اور بلوچستان کے ساحلی علاقوں میں دس لاکھ سے زائد مینگرووز کے پودے لگائیں جائیں گے۔ اس سلسلے میں ایک تقریب کا انعقاد کیا
گیا۔ مہمانِ خصوصی پاک بحریہ کے سربراہ ایڈمرل محمد ذکا ء اللہ نے مینگرووز کا پودا لگا کرمہم کا آغاز کیا۔ تقریب سے خطاب کرتے ہوئے پاک بحریہ کے سربراہ ایڈمرل محمد ذکا ء اللہ نے کہا کہ مینگرووزکے جنگلات میں کمی نہ صرف ہمارے ساحلی علاقوں کے حیاتیاتی ماحول کوبلکہ ساحلی مکینوں کے ذریعۂ معاش کو بھی متاثر کرتی ہے۔ایڈمرل محمد ذکا ء اللہ نے مزید کہا کہ اس طرح کی مہمات نہ صرف مینگرووز کے جنگلات میں اضافے کا باعث ہوں گی بلکہ عوام الناس میں ان جنگلات کے بارے میں آگاہی کے فروغ میں بھی کلیدی کردار ادا کریں گی۔ مینگرووز کی اہمیت پر زور دیتے ہوئے ایڈمرل محمد ذکا اللہ نے اعلان کیا کہ اس مہم کا نام بدل کر ’’قومی مہم برائے مینگرووزاُگاؤ ‘‘رکھ دیا گیا ہے۔
بحریہ ماڈل سکول یونس آباد کے پرائمری اور بوائز سیکشن کا افتتاح
newsqoumimuhimmangr1.jpg پاک بحریہ کی کاوشوں کے نتیجے میں حال ہی میں بحریہ ماڈل سکول یونس آباد کے پرائمری سیکشن اور بوائز ونگ کی تکمیل ہوئی جس کا افتتاح وزیرِ اعلی سندھ سیّد مراد علی شاہ نے کیا۔ کمانڈر کراچی رئیر ایڈمرل اطہر مختار بھی اس موقع پر موجود تھے۔ بحریہ ماڈل سکول یونس آبادکے قیام کا مقصد پسماندہ علاقوں کے بچوں کو معیار ی تعلیم مہیا کرنا ہے ۔ یہ تعلیمی شعبے میں حکومت سندھ کے تعاون سے پاک بحریہ کی ایک اہم کاوش ہے۔ بحریہ ماڈل سکول یونس آباد میں سائنساور کمپیوٹرکی جدید لیبارٹریزقائم کی گئی ہیں۔ افتتاحی تقریب سے خطاب کرتے ہوئے وزیر اعلیٰ سند ھ نے کہا کہ یونس آباد جیسے علاقوں میں معیاری تعلیمی اداروں کی عدم دستیابی کے باعث والدین اپنے بچوں کو سکول نہیں بھیج سکتے تھے۔ بحریہ ماڈل سکول جیسے تعلیمی اداروں کے قیام میں پاک بحریہ کی کوششیں لائق تحسین ہیں۔ کمانڈر کراچی رئیر ایڈمرل اطہر مختار نے پاک بحریہ کی نگرانی میں بحریہ ماڈل سکول یونس آباد کی تعمیر میں تعاون پر حکومت سندھ کا شکریہ ادا کیا ۔
Read 246 times

Leave a comment

Make sure you enter the (*) required information where indicated. HTML code is not allowed.

Follow Us On Twitter