19
September

ایف سی بلوچستان پاسنگ آؤٹ پریڈ کا انعقاد

ایف سی بلوچستان پاسنگ آؤٹ پریڈ کا انعقاد

سپاہی محمد قاسم شہید کے والدِ محترم تقریب کے مہمانِ خصوصی تھے

newsfcpakpoutprade.jpg

گزشتہ دنوں ایف سی بلوچستان کی پاسنگ آؤٹ پریڈ کی تقریب منعقد ہوئی۔ تقریب کے مہمان خصوصی سپاہی محمد قاسم شہید کے والد عبدالظہیر تھے جن کا تعلق قلعہ سیف اﷲ بلوچستان سے ہے۔ سپاہی قاسم 6 جنوری 2017ء کو شہید ہوئے۔
فر نٹیئر کور خیبر پختونخوا میں پا سنگ آؤٹ پریڈ

newsfcpakpoutprade1.jpg

گزشتہ دنوں ہیڈکوارٹراورکزئی سکاؤٹس کلایہ میں فرنٹیئر کور کے 24 ویں بیچ کی پاسنگ آؤٹ پریڈ ہو ئی۔ اس دوران کل 493ریکروٹس پاس آؤٹ ہوئے۔ ڈی آئی جی فرنٹیئر کور بریگیڈئیرمحمدیوسف مجوکہ، تقریب کے مہما ن خصو صی تھے۔اس موقع پر اعلیٰ فوجی اور سول حکام ، قبا ئلی مشران اورپاس آؤٹ ہونے والے ریکروٹس کے والدین کی ایک بڑی تعداد بھی موجود تھی۔ مہمان خصو صی نے پر یڈ کا معا ئنہ کیا اورتقریب سے خطاب کرتیہوئے انہوں نے دہشت گردی کے خلاف جنگ میں فرنٹیئر کورکے کردار کو سراہا۔ تقریب کے اختتام پرمہمانِ خصوصی نے تربیت کے دوران مختلف شعبوں میں اعلیٰ کارکردگی کا مظاہرہ کرنے والے ریکروٹس میں انعاما ت بھی تقسیم کئے۔
19
September

بلوچستان میں تقریباتِ یومِ آزادی

بلوچستان میں تقریباتِ یومِ آزادی

newsbalchismaintaqreebat.jpg

ماہِ اگست پاکستا ن کی آزادی کی بناء پر ایک منفردحیثیت کا حامل ہے۔ ملک کے طول و عرض میں اس ماہ کی مناسبت سے تقریبات کا آغاز ہوجاتا ہے۔ صوبہ بلوچستان میں بھی اس ماہ کے ابتداء سے ہی بلوچستان سپورٹس فیسٹیول 2017ء کا آغاز ہوگیا تھا۔ جس میں ہاکی، فٹبال و دیگر کھیلوں کے تمام ایونٹس میں صوبہ بھر سے نوجوان کھلاڑی لڑکوں اور لڑکیوں نے بھرپور انداز میں شرکت کی۔

14 اگست کی صبح بلوچستان کی عوام کا جوش اور ولولہ اپنے عروج پر تھا۔ بلوچستان کے ہر قصبے اور ہر شہر میں لوگ جوق در جوق سڑکوں پر سبز ہلالی پرچم لئے پاکستان سے والہانہ محبت کا اظہار رہے تھے۔ عوام کا اس طرح کی محبت کا اظہار اپنی فورسز پر اعتماد اور جذبۂ حب الوطنی قابلِ دید تھا۔ ہر طرف پاکستان زندہ باد اور سبز ہلالی پرچموں اور ملی نغموں نے ایک سحر طاری کر رکھا تھا۔

اسی طرح صوبائی دارالحکومت کوئٹہ کے بگٹی سٹیڈیم میں عسکری اورسول انتظامیہ کی جانب سے یوم آزادی کے حوالے سے بلوچستان ایکسلینس ایوارڈ کی ایک شانداراورپروقار تقریب منعقد ہوئی۔ جس میں بلوچستان میں سماجی خدمات ، فنون لطیفہ،تعلیم، صحت اور کھیلوں کے شعبہ جات میں بلوچستان کے نمایاں اورمنفرد مقام پانے والے افرادکوایوارڈزسے نوازاگیا۔ تقریب میں کمانڈرسدرن کمانڈ لیفٹیننٹ جنرل عامرریاض اوروزیراعلیٰ بلوچستان نواب ثناء اللہ زہری سمیت وزراء اورعوام کی بہت بڑی تعدادنے شرکت کی۔چاروں صوبوں ،کشمیر اور گلگت بلتستان کے ثقافتی طائفوں کے علاوہ برادرملک ترکی کے طائفے نے تقریب میں ایک سماں باندھ دیا اورشرکاء سے خوب داد وصول کی۔

(رپورٹ: فہیم خان)

19
September

چیف آف آرمی سٹاف کا دورۂ لائن آف کنٹرول

چیف آف آرمی سٹاف کا دورۂ لائن آف کنٹرول

newscoasatloc.jpg

چیف آف آرمی سٹاف جنرل قمر جاوید باجوہ نے14 اگست کو کمانڈر 10 کو ر لیفٹیننٹ جنرل ندیم رضا کے ہمراہ لائن آف کنٹرول پر سبز کوٹ سیکٹر کا دورہ کیا۔اس موقع پر انہیں لائن آف کنٹرول کی صورتحال سے تفصیلی طور پر آگاہ کیا گیا۔ چیف آف آرمی سٹاف نے لائن آف کنٹرول پر موجود سپاہ کے حوصلے کی تعریف کی اور انہیں دشمن کے مقابل جمے رہنے پر خراج تحسین پیش کیا ۔

شندورپولو فیسٹیول 2017

newsshandoorfest.jpg

گزشتہ دنوں تین روزہ شندورپولو فیسٹیول کا انعقاد چترال کے دور افتادہ علاقے شندور میں کیا گیا۔ شندور پولوکافائنل میچ چترال اور گلگت بلتستان کی ٹیموں کے درمیان ہوا۔سنسنی خیز مقابلے کے بعد چترال کی ٹیم نے گلگت بلتستان کی ٹیم کوشکست دے کر فائنل جیتا۔فائنل میچ کے مہمانِ خصوصی کمانڈرپشاورکور لیفٹیننٹ جنرل نذیر احمد بٹ تھے۔ اس موقع پر مہمانِ خصوصی نے اپنے خطاب میں کہا کہ مجھے خوشی ہے کہ لوک میلے کا انعقاد جہاں پولو کے کھیل کو فروغ دیتاہے وہیں ہمیں یک جاہو کر دلوں کے درمیان کدورتوں کو دور کرنے کا موقع بھی دیتا ہے۔ انہوں نے کھلاڑیوں میں انعامات بھی تقسیم کئے ۔
19
September

چیف آف آرمی سٹاف کا کوروبرانچ کا دورہ

چیف آف آرمی سٹاف کا کوروبرانچ کا دورہ

گزشتہ دنوں چیف آف آرمی سٹاف جنرل قمر جاوید باجوہ نے جنرل ہیڈکوارٹرز میں کوروبرانچ کا دورہ کیا۔ اس موقع پر انہیں ’کورو‘ کے حوالے سے ایک مفصل بریفنگ دی گئی۔ چیف آف آرمی سٹاف نے کوروو کی کارکردگی کو سراہتے ہوئے کام کے معیار پر اطمینان کا اظہار کیا۔

newscoasatcorobaranch.jpg

کورو پاکستان آرمی آفیسرز کا ایک طرح سے نادرہ سنٹر ہے۔یہ ایک ایسا ڈیٹا سنٹرہے جو کسی بھی آفیسر کا کمیشن سے لے کر اس کے اس دارفانی سے رخصت ہونے تک کا ڈیٹا اور اس کی زندگی میں آنے والی تمام تبدیلیوں کو اپ ڈیٹ کرتا ہے۔ جی ایچ کیو میں جہاں پاکستان آرمی کے لاتعداد شعبہ جات ہیں، وہاں اگرچہ اس شعبے کی اہمیت اتنی زیادہ نہیں ہے مگر آرمی آفیسر کی زندگی اور سروس جوں جوں آگے بڑھتی ہے ویسے ہی کورو کی اہمیت نمایاں ہونا شروع ہو جاتی ہے اور پھر رخصتی یعنی ریٹائرمنٹ پر الوداع ’’کورو‘‘ نے کہنا ہوتا ہے۔ اس لئے اس وقت تمام ترجیحات میں سب سے نمایاں کورو ڈیٹا کا صحیح ہونا ضروری ہوتا ہے ۔ ہر آرمی آفیسر کے لئے ضروری ہوتا ہے کہ وہ اپنا، اپنی زوجہ، اپنے بچوں اور اپنے والدین کا صحیح ڈیٹا فراہم کرے اور اگر یہ ڈیٹا صحیح نہ ہو تو ریٹائرمنٹ کے دنوں میں اسے پریشانیوں کا سامنا کرنا پڑ سکتا ہے۔
اکثر ریٹائرڈآفیسرز کوکورو کی اہمیت کا اندازہ دیر سے ہوتا ہے اورپوسٹ ریٹائرمنٹ پر جب ان کا ڈیٹا درست نہ ہو رہا ہو تو ظاہر ہے اُنہیں مشکلات کا سامنا کرنا پڑتا ہے۔ اسی وجہ سے ان کے بہت سارے واجبات رک جاتے ہیں۔ ان کے بچوں کے داخلے نہیں ہو پاتے۔ وہ آرمی سیٹس پر بچوں کو اپلائی نہیں کروا سکتے وغیرہ وغیرہ۔ اس لئے جو آفیسرز اپنی سروس کے دوران اپنا ڈیٹا اپ ڈیٹ رکھتے ہیں وہ اپنی ریٹائرمنٹ پر بھی اس پریشانی سے بچے رہتے ہیں۔
کورو کا قیام پاکستان کے ساتھ ہی پاکستان آرمی میں ہوا۔ یعنی 14 اگست 1947۔ 1958میں کورو ایڈجوٹنٹ جنرل برانچ کا ایک ذیلی شعبہ تھا اور پھر 1998میں جب
AG Branch
کا دائرہ کار بڑھا تو اسے
PP & A Dte
یعنی پے، پنشن اور اکاؤنٹ ڈیپارٹمنٹ کا حصہ بنا دیا گیا۔ کورو کے نمایاں کاموں میں پاکستان آرمی آفیسرز، جس میں نرسنگ آفیسرز بھی شامل ہوتیں ہیں، کا ڈیٹا ریکارڈ نہ صرف اپ ڈیٹ رکھنا ہے بلکہ ان کے پے اور الاؤنسز میں ردوبدل، ترقی، تبادلے کا اندراج، شادی کا اور اس کے بعد بچوں کا اندراج اور پھر ریٹائرمنٹ پر پنشن کی ادائیگی اور ماہانہ پنشن کی بروقت ادائیگی بھی کورو کے اہم کام ہوتے ہیں۔ اس کے علاوہ سروس اور ریٹائرمنٹ والے آرمی آفیسرز کے ریکارڈ کا اپ ڈیٹ ہونا ہر آفیسر کا پے اینڈ پنشن کا صحیح ریکارڈ، سروس میڈلز، سروس کے دوران نمایاں کارکردگی پر ملنے والی مراعات، آرمی آفیسرز کے خاندان میں اضافہ اور اموات کی تصدیق کورو ہی کرتا ہے۔ اس لئے آرمی کے باقی شعبہ جات  کورو   سے آرمی آفیسرز کے متعلق ڈیٹا کی تصدیق کرواتے رہتے ہیں۔

(رپورٹ: اشتیاق احمد)


کورو ہیلپ ڈیسک
This email address is being protected from spambots. You need JavaScript enabled to view it.
0336-7353542 (For text msg only

Follow Us On Twitter